தமிழ் ஜோதிடம் : நவ கிரகங்கள் கணிப்பு, ஜாதக பலன்கள்.

இலவச தமிழ் ஜோதிட களஞ்சியம் – ஜோதிட ஞானம் பெற உதவும். ஜாதகம் பார்க்க ஓரளவு தெரிந்திருந்தால் கிரகங்கள் மற்றும் அதன் அமைப்புகளை சுலபமாக புரிந்து கொள்ளலாம். தினமும் புது புது விஷயங்கள் மற்றும் பக்கங்கள் வெளியிடப்படும். ஆகையால் அவ்வப்போது நீங்கள் இங்கு விஜயம் செய்தால் சற்று ஜோதிட ஞானத்தை வளர்த்துக் கொள்ளலாம்.

நம்மை சுற்றியுள்ள அண்டவெளியில் (Universe) பல நூறு கோடி கிரகங்கள் (Planets) சுற்றி வந்து கொண்டுள்ளது. நமக்கு தெரிந்த, ஏற்றுக்கொள்ளப்பட்ட கிரகங்களாக நவ கிரகங்கள் சூரிய குடும்பத்தில் (Solar System) உள்ளது. நாம் வாழ்ந்து கொண்டு இருக்கும் இந்த சூரிய குடும்பம் போல அண்டவெளியில் பல சூரிய குடும்பங்கள் உள்ளன.

இந்த வலை பகுதி தென்னிந்தியாவின் தமிழ் மொழியில் (South Indian Tamil language ), பழம்பெரும் சித்தர்கள் (Ascetics or Supernals ) மற்றும் பற்பல ஜோதிட அறிஞர்கள் (Astrologist) அருளிய, எனக்கு தெரிந்த, நான் கேள்விப்பட்ட, நான் கற்றுக்கொண்ட, ஜோதிட விஷயங்களை பகிர்ந்து கொள்ள எடுத்துக்கொண்ட ஒரு முயற்சியாக இந்த வலைப்பகுதியினை பார்க்கிறேன்.

பொதுவாக நம்மை சுற்றியுள்ள இந்த அண்டவெளியில் பல நூறு கோடி கிரகங்கள் சுற்றி வந்து கொண்டுள்ளது. நாம் வாழ்ந்து கொண்டு இருக்கும் இந்த சூரிய குடும்பம் போல அண்டவெளியில் பல சூரிய குடும்பங்கள் உள்ளன என்பதை நாசா விண்வெளி (NASA Space research center) ஆய்வு மையம் பல புகைப்படங்கள் மூலம் வெளியிட்டு உள்ளன.

ஒரு நாடு என்று இருந்தால் அதன் சட்ட திட்டங்கள் அந்த நாடு மக்களுக்கு பொருந்தும். அதே நேரம் அண்டை நாட்டு சட்ட திட்டங்கள் நாம் குடியிருக்கும் நாட்டுக்கு செல்லுபடியாகது. அதுபோல அண்டை வெளியில் பல சூரிய மண்டலங்கள் இருந்தாலும், நாம் வசிக்கும் சூரிய மண்டலமும், நமது சூரிய மண்டலம் சார்ந்த கிரகங்களும் நமது வாழ்வியல் சார்புகளை நிர்வாகம் செய்கின்றன.

டெலஸ்கோப் (Telescope) , வான்வெளி ஆராய்ச்சி உபகரணங்கள் எதுவுமே இல்லாமல் தனது தெய்வ அருளால், தனது சக்தியால் நம்மை சுற்றி நவ கிரகங்கள் உள்ளன என்பதை சித்தர்கள் மற்றும் ஞானிகள் பல ஆயிரம் ஆண்டுகளுக்கு முன்பாகவே நமக்கு ஏடுகள் வாயிலாக (Prediction) தெரியபடுத்தி சென்றுள்ளனர். சித்தர்களின் (Ascetics or Supernals power) சக்திகளை விவரிக்கவோ அல்லது விளக்கம் சொல்லும் அளவிற்கோ நமக்கு ஆற்றல் இல்லை என்பதால் இந்த இணைய தளம் ஏற்கனவே நமது முன்னோர்கள் நமக்கு அருளிய அதே விஷயத்தினை இங்கு பிறருடன் பகிர்ந்து கொள்வதில் மகிழ்ச்சி அடைகின்றேன்.

ஜோதிடம் என்பது ஒரு கடல் போன்றது. இதில் மானுடன் தெரிந்து கொண்டது சொற்ப அளவே. இந்த இணையத்தினை நீங்கள் ஒரு தகவல் தளமாகவே உபயோகிக்க வேண்டுகிறேன். நடை முறை வாழ்வில் இந்த இனையத்தின் தகவல்கள் பொருந்தாமல் போக வாய்ப்புகள் உள்ளது. ஆகையால் இங்குள்ள தகவல்களை ஒரு ஆராய்ச்சி கண்ணோட்டத்தில் மட்டும் பார்க்கவும். தினசரி வாழ்விலோ அல்லது முழுமையான ஜோதிட கல்வி கற்றுக்கொள்ளாமலோ பரிட்சித்து பார்க்கவேண்டாம் என்று வேண்டி கொள்கிறேன்.

இவற்றில் அறிந்தோ அறியாமலோ ஏதேனும், சொற்சுவை, பொருட்சுவை, சுந்தர தமிழ் போன்றவற்றில் பிழை ஏதும் இருப்பின் சான்றோர்களும் அறிஞர்களும் எம்மை மன்னிக்கவும்.

எத்தனயோ மஹா ஞானிகள் இந்த உலகத்திலே. அனைவருக்கும் என் வந்தனங்கள். - அன்புடன்-ஜோதிட சிறுவன்

நாம் எதை நினைக்கின்றோமோ அதுவாகவே ஆகின்றோம். வேண்டும் சுபம்.

"Sorry, right-click is disabled." For your purpose using the website

This is a free homepage created with page4. Get your own on www.page4.com